الى كل تمساح اكتشف شخصيتك ( سحالي لا يفوتكم )

السلام عليكم ايها التماسيح الكرام >>>>> وش هالادب ياناس ماشاء الله على وايضا ارحب

بالسحالي>>>>>>>>اقول هللووز باللووووووز والسمسم واجووووووووووز وولكم يا مولكم شقردية
جتكم>>>>>>>اركدي هذا منتدى مو شات<<<<<<<<تكتب الموضوع وعندها اختبار ما تنلام
الزبدة>>>>>>>>>>>مزرعة مو منتدى

المهم>>>>>>>>الحمد لله هذي ما فيها شيء

اتمنى من كل تمساح تقبل الموضوع بصدر رحب

واختيار الصفه التي تليق في شخصه الكريم >>>> مازال الادب مستمر

وهذي هي الصفات الموجوده لدى التماسيح وارجو من كل تمساح كتابه الصفه التي طلعت له ومن كل سحلية رايها بالموضوع

تخصه بداية اختر رقم من واحد الى عشرين دحدر الى الاسفل<<<<<<<<<خربتها
v
v
v
v
v
v

v
vv

v
vv

vv
v
v

v
v
v

v
vv

vv
بس وصلنا مرمى اليابان <<<<<<<<اسيا تاثيرها مازال مستمر

1_التمساح الدلخ : وهذاا إنسان غبي جداااا.ويرفع الضغط ....وينرفز

2_التمساح المهوي : هو مرحلة متأخرة من التنسيم و المهوي وصل لمرحلة متأخرة جدا بحيث يفقد أهله الرجاء منه ...

3_التمساح السلنتح : قليل الأدب

4_التسماح جحلط ( بتشديد اللام ) : وهم مرحلة متقدمة للسلنتح

5_التمساح مزّلب : يعني بايعها بتراب !

6_التمساح مسفّح : يعني طاير في العجّة وهو ما عنده ما عندي جدتي , يعني بالعربي الفصيح من جنب العارضة

7_التمساح الصتيمة : وهو الشخص اللي ماعنده ماعند جدة جدتي ...!!...ويصدق أي شيء يقال له

8_التمساح المسبة أو المسبوة : هو الشخص اللي يكون مروع في صغره لدرجة أنه يصبح شبه فاقد للعقل ...

9_التمساح المفهي: هذا الله يخلف مهما تقول له أو تصارخ عليه تلقاه فاتح فمه و بس و إذا كلف عمره و تفاعل معك رد عليك و قالك : هاه

10_التمساح الحقنة : هو الشخص الغثيث اللي ما يفكك لين تعطيه اللي يبيه منك و مهما تسوي له عشان تصرفه عن الموضوع حقه ينشب في حلقك لين يأخذ منك اللي يبيه , وهذا يفسرقول العرب : أغث من حقنة

11_التمساح العلة : هذا اللي ما تأخذ أنت منه أي شيء و لا عنده استعداد انه يسمع منك مهما حاولت وهو كالمرض يعلك لين تنفقع مرارتك منه......

12_التمساح العربجي : يظن معظم الناس أن العربجي هو الشخص الشديد حق المشاكل و اللي ما يمشي إلا وهو مشخص ببنت البكار ( أسم لطريقة لبس الشماغ عند العرابجة ) و حاط مفاتيحه في سلسلة و لا بس نعال سجاديه و يسحبها تسحيب لين جاء يمشي و دايم فاتح صدره و رازه على فوق و كانك ولد أبوك قله شيء بس . لكن في الآونه الأخيرة ظهرت إشاعات تقول بأن العربجي هو اللي يسوق الحمار(الله يعزكم) لكن صرح مصدرموثوق من عائلة العرابجة بأن هذه إشاعة مغرضة أطلقها عليهم أحد الخكاري...

13_التمساح المرجوج : هذا ما عمره صلح شيء صح في حياته ما يمديك تفتح فمك إلا و طار في العجة بدون ما يفهم وش السالفة. و الارتجاج الحاصل له يختلف تماما عن مشكلة المسبة أو المسبوة حيث يكون الارتجاج هنا نتيجة صدمة و ليس نتيجة روعة .

14_التمساح المطفوق : من فصيلة المرجوج ... إلا أن مايميزه هو انه اذا مر من عند كاس أو جيك أو ابريق أو أي شيء فيه سائل لازم يكبه ( أي يسكبه ) برجله وهو مايدري ،، ولا تخليه يمربجنبك وانت معك صينية فيها بيالات لأنه لازم يطخها بيده أو بكتفه ..!! أيضا لاتخليه يصب قهوة لضيوف لأنه لازم يكب القهوة على ثوب واحد منهم..!!!!!.....

15_التمساح الملكع : أما هذا فيعرف حتى السكن(اي الجن ) و مقطع السمكة و ذيلها و مهما تحاول تلف و تدور معه تراه فاهم و عارف وش تبي بالضبط فلا تتعب نفسك .

16_التمساح زعّيط : مسوي نفسه يفهم في كل شيء وهو من جنب العارضة.

17_التمساح المصرقع : هو كل شخص ما يهمه شيء و اللي يطري على باله بيسويه لأنه ماخذ الدعوة سعة صدروهبال ...

18_التمساح المنفلت : هو كل شخص ما تقدر أنك تأمنه على شيء لأنه مهوب تكانة و يتميز بكل أنواع الإهمال والتطنيش....

19_التمساح الخكري : ببساطة الخكري = نعومة + دلع + ليونة والله لايبلانا... <<<<<<<<<<< اكره مخلوق يمشي على وجه الارض

20_ التمساح الوسيم : هذا معذب قلوب العذارى وسامة ورجولة واخلاق وثقافة ويحب الهلال ورجله دافورة في لعب الكورة <<<<<<<<اذا اذكياء اعرفو من اقصد وقولو لي ههههههههه

21_التمساح الزنقّبي : (بتسكين النون وضم القاف ) يعني العزوبي.

22_التمساح الصديع : اي كلمه في راسه يطلعها ولا يتنباء بأفعاله سواء كانت صح ام خطء .

23_التمساح الجنط : من فصيلت الدلخ.

24_التمساح المروح: هذا اللي نفسه شينه..

25_التمساح اللزقه: هذا الشخص اللي علطول معك وقدامك ووراك وكل شي وتطلع مع الباب تلقاه تركب في السياره تلقاه يطق القزازه وهاكذا.

واتمنى الموضوع يعجبكم وتقبلو تحياتي

( لازم تفقع عيونكم بهالزرق بس الهلال من يحبه يغرق )
الله الله صح لساني